Bu gün Cəbrayıl və Füzuli rayonlarının işğalının 18 ili tamam olur. Sahəsi 1050 kvadrat kilometr olan Cəbrayıl rayonu bütünlüklə, Füzulinin isə 50 yaşayış məntəqəsi (təxminən 836 kvadrat kilometr ərazi) ermənilər tərəfindən zəbt edilib. 

İşğal nəticəsində hər iki rayonun bütün sahələrinə külli miqdarda ziyan dəyib. Ərazi və əhalinin sayına, təsərrüfat sahələrinin həcminə görə Füzulidən kiçik olan Cəbrayıl rayonunun iqtisadiyyatına dəyən ziyanın miqdarı təxminən 3 milyard dollar həddində müəyyənləşdirilib. 

Hazırda hər iki rayonun məcburi köçkün həyatı yaşayan əhalisi respublikanın 50- dən çox rayonunda məskunlaşıb.